Хәзерге вакытта республикада антициклон йогынтысында тыныч, явым-төшемсез бик җылы һава урнашты. Төбәктә тәүлеклек уртача температура нормадан 6-9 градуска югары. 13 марттан бирле Казанда 8 температура рекорды куелган.
Сишәмбе, чәршәмбе – 31 март һәм 1 апрельдә явым-төшем көтелми. Көндезге сәгатьләрдә термометрның терекөмеш баганасы +8...+16 градуска кадәр күтәреләчәк. Төнге сәгатьләрдә +4...-1 градус (мартның соңгы көнендә көнчыгыш районнарда -5 градуска кадәр) булачак.
Пәнҗешәмбе – 2 апрельгә каршы төндә явым-төшем ихтималы аз. Әмма инде иртән көньяк циклон республикага яңгырлар алып киләчәк. Әмма барыбер суытмый: көндез +9...+14, төнлә 0....+5 градус. Метеорологларның башлангыч мәгълүматларына караганда, җомга, шимбә һәм якшәмбе – 3,4 һәм 5 апрельдә төбәктә урыны белән аз гына яңгырлар явып үтәчәк. Һава температурасы асылда үзгәрми диярлек: көндез +9...+14, төнлә 0...+5 градус тәшкил итәчәк.
Сүз уңаеннан, хәзерге вакытта Татарстанда “Экологик иминлек” илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез