Татарстанның 8 шәһәрендә пилотсыз очкычлар һөҗүм итү куркынычы режимы кертелде

Бу хакта Гадәттән тыш хәлләрне кисәтү һәм бетерүнең бердәм дәүләт системасы хәбәр итә.

«Игътибар! Чистай, Зәй, Әлмәт, Түбән Кама, Алабуга, Яр Чаллы, Бөгелмә, Лениногорск шәһәрләренә БПЛА һөҗүме куркынычы яный. Куркынычсызлык чараларын күрү сорала», - диелә хәбәрдә.

Бүген, 7 сентябрьдә, 1.57 сәгатьтә Татарстанда пилотсыз очкыч һөҗүме куркынычы режимы кертелде. Республика аэропортларында һава судноларын кабул итү һәм чыгару вакытлыча чикләнде.

БЕЗНЕҢ МАКС КАНАЛЫНА ЯЗЫЛЫГЫЗ!