Татарстан казнасында киләсе елга торак-коммуналь хуҗалык чыгымнары өчен – 26,3 миллиард сум, юл хуҗалыгы – 34,5 миллиард сумнан артыграк, транспорт инфраструктурасы өчен – 2,6 миллиард сумнан күбрәк акча каралган, дип хәбәр итә республика парламентының матбугат хезмәте.
Аерым алганда, торак-коммуналь хуҗалык чыгымнары кысасында күпфатирлы йортларны капиталь төзекләндерү һәм лифтлар алыштыру өчен акча тотылачак. Коммуналь хуҗалыкка чыгымнар кысасында 10 миллиард сум – коммуналь инфраструктура системаларын яңартуга, 429,7 миллион сум – инфраструктура проектларын гамәлгә ашыру, 248 миллион сум – бакчачылык ширкәтләре инфраструктурасын үстерү һәм тотуга җибәреләчәк.
Юл хуҗалыгына Татарстан бюджеты чыгымнары 34 миллиард 515 миллион сум күләмендә каралган. “Транспорт” бүлеге буенча чыгымнар 2026 елга – 2 миллиард 641,7 миллион сум, 2027 елга – 2 миллиард 653,4 миллион сум, 2028 елга – 2 миллиард 666,2 миллион сум күләмендә күздә тотылган.
Сүз уңаеннан, хәзерге вакытта “Яшәү өчен инфраструктура” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез