Американың The Washington Post газетасы Кушма Штатлар президенты Дональд Трампның Россия дәүләте башлыгы Владимир Путин һәм Украина президенты Владимир Зеленский белән очрашуының аермасына игътибар иткән. Бу хакта “РИА Новости” АКШ басмасы мәгълүматларына таянып яза.
“Зеленскийның машинасы Көнбатыш як вестибюле ишеге төбенә килеп җиткәндә, Трамп йодрыгын күтәрде, шуннан соң аның кулын җылы гына кысып, иңбашларыннан кочты... Әмма бу сәламләү кызыл келәмгә һәм Путинны каршылаган B-2 бомбардировщигының очып китүенә җитмәде”, – диелгән язмада.
Исегезгә төшерәбез: кичә Дональд Трамп Ак йортта Владимир Зеленскийны һәм ЕС илләре лидерларын кабул итте. Financial Times басмасы очрашу йомгаклары буенча документлар бастырган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез