Түбәсе җимерелгән «Магнит» складыннан 29 кеше чыгып котыла алган

Бүген Яшел Үзәндә «Магнит» складының түбәсе ишелүе хакында хәбәр иткән идек. Хәзер җимерекләр астыннан зыян күрүчеләрне эзләү эшләре бара.

Объект администрациясе мәгълүматлары буенча, бинадан мөстәкыйль рәвештә 29 кеше чыккан. Җимерелү мәйданы 540 квадрат метр тәшкил иткән.

Хәзерге вакытта җимереклекләрне чистарту эшләре бара. Хәрабәләр астында калырга мөмкин булган кешеләрне эзләү өчен кинологлар җәлеп ителгән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

Көн хәбәре