Россия Президенты Владимир Путин видеэлемтә аша БРИКС уеннарының ачылыш тантанасында катнашучыларны сәламләде һәм уеннар рәсми төстә ачык дип белдерде.
"Ярышлар ике атна эчендә дөньяның йөзгә якын иленнән 3 меңнән артык атлетны беләштерәчәк. Әлеге колачлы спорт бәйрәме спортның универсаль кыйммәтләре, тигез мөмкинлекләр һәм гадел көрәш тантанасын тагын бер кат чагылдырачак", - диде Россия Презиленты.
Аның әйтүенчә, дөнья күләмендә БРИКСның роле арта. "Сәяси тыкшыну һәм басым ясаулардан азат булган, бөтен дөнья спортчыларын берләштергән БРИКС уеннарына карата кызыксыну да артачак дип уйлыйм", - диде Владимир Путин.
Ул БРИКС уеннарын рәсми төстә ачык дип белдерде.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез