- 2030 елга квант коммуникацияләре челтәре Ерак Көнчыгышның барлык төбәк үзәкләрен колачларга тиеш.
- Трансарктика транспорт коридоры буенча йөк ташуны ике тапкырга – елына 70 млн тоннага кадәр арттыру планлаштырыла. Шулай ук Россия Төньяк диңгез юлы буенча навигацияне ел әйләнәсе эшли торган итәргә ниятли.
- Ерак Көнчыгышта дәүләт сатып алуларының гадиләштерелгән системасын, шул исәптән маркетплейслар аша да, тест режимында сынап караячаклар.
- Ерак Көнчыгыш һәм Арктиканың табигый ресурсларын – нефть, газ, алтын һәм башкаларны чыгару урыннарында ук эшкәртү күләмен арттыру планлаштырыла.
- «Көнчыгыш биржасы» базасында заманча финанс үзәге булдырырга тәкъдим ителде.
- 2030 елга кадәр төбәкләрне үстерүнең кимендә 200 мастер-планын эшләп бетерергә кирәк.
Ерак Көнчыгышта өченче бала туганда бирелә торган арттырылган түләүләрне 2030 елга кадәр озайтырга тәкъдим ителде.
Икътисад турында сөйләгәндә, Путин инфляциянең 6,3%ка кадәр кимүен билгеләп үтте һәм бюджет дефицитын критик түгел дип атады. Аның сүзләренчә, акчаны саклап калудан бигрәк, аны рациональ тоту мөһимрәк.
Шулай ук «Арктиканы генераль җыештыру» дәвам итәчәк һәм Ерак Көнчыгышның экологиясенә игътибар көчәйтеләчәк.
Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез