Бүгенге тәртип буенча, кереме билгеләнгән күрсәткечтән аз гына югарырак булган очракта да, гаиләнең түләү алуга хокукы юкка чыга. Президент әйтүенчә, әлеге мәсьәлә Премьер-министр Михаил Мишустин белән бергә каралган да инде. Дәүләт башлыгы әйтүенчә, күпбалалы гаиләләргә ярдәм итү өчен, төптән уйланылган бик дөрес карарга килү кирәк. Ул, гаиләдә кемдер эшкә урнашса да, түләүнең калырга тиешлеген белдергән. «Кеше эшкә чыкты, ди. Шуннан нәрсә? Гаиләнең бернәрсә дә югалтмаска тиешлеге турында гына түгел, керемен арттыру турында да уйланырга кирәк. Юкса эшкә чыгуның мәгънәсе калмый», – дип билгеләп үткән Путин.
Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез