«Казан Водоканал» муниципаль предприятиесе шәһәр халкын мошенниклык очраклары арту турында кисәтә. Бу хакта предприятенең матбугат хезмәтенә сылтама белән «Реальное время» яза.
– Уяу булыгыз һәм үзегезне алдатмагыз! – дип чаң суга «Водоканал» хезмәткәрләре.
Мошенниклар, үзләрен хезмәткәрләр итеп күрсәтеп, түбәндәгеләрне тәкъдим итә ала:
- су белән тәэмин итү һәм су агызу челтәрләренә шәхси тоташу (тыелган, административ җаваплылык каралган);
- контракт нигезеннән тыш, яңа челтәрләргә тоташу;
- өйдә счетчикларны тикшерү һәм алыштыру;
- SMS яки push-хәбәрләрдән кодлар сорау.
Предприятие хезмәткәрләре хәбәр итүенчә, алар беркайчан да рәсми килешүләрсез су белән тәэмин итү яки канализация челтәрләренә тоташуны тәкъдим итмиләр.
– Челтәрләргә рөхсәтсез тоташу өчен административ җаваплылык каралган, – дип кисәтә «Водоканал».
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез