24 декабрь 2025 Яңалыклар

Хәрбиләрнең гаиләләренә Татарстан Рәисе исеменнән сабыйлар өчен 450 комплект тапшырылды

2025 елда махсус хәрби операциядә катнашучыларның гаилә әгъзалары Татарстан Рәисе исеменнән бүләк итеп яңа туган сабыйлар өчен 450 комплект алды. Бу хакта бүген ТР Дәүләт Советы утырышында Татарстан Республикасының хезмәт, мәшгульлек һәм социаль яклау министры Эльмира Зарипова хәбәр итте, дип яза «Татар-информ».

«Махсус хәрби операциядә катнашучыларның гаилә әгъзалары төрле түләүләр алу хокукына ия. Алар, мәсәлән, гаиләдә сабый туганда бирелә. Быел Татарстан Республикасы Рәисе исеменнән 450 комплект тапшырылды», – дип белдерде министр.

Шулай ук чыгышында ул махсус хәрби операциядә катнашучылар һәм аларның гаилә әгъзалары финанс түләүләренә һәм төрле ташламаларга хокуклы булуларын билгеләп үтте. Әлеге ярдәм чаралары балаларны укытуга, уку йортларына керүгә, үз эшен алып баруга ярдәмгә, техник реабилитация чаралары алуга, эшкә урнашуга һәм башка күп кенә социаль ярдәм формаларына кагыла.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",