Биш елда Россиядә дәүләт хастаханәләре һәм поликлиникаларында эшләүче табиблар саны 62 меңгә арткан. Урта медицина хезмәткәрләре саны исә 32 меңләп кешегә ишәйгән.
Россия вице-премьеры Татьяна Голикова әйтүенчә, бу – “Сәламәтлек саклау” илкүләм проектының “Медицина оешмаларын квалификацияле белгечләр белән тәэмин итү” федераль проекты нәтиҗәсе. Быел 1 гыйнвардан “Медицина кадрлары” федераль проекты гамәлгә ашырыла башлады. Аның ярдәмендә 2030 елга кадәр 10 мең кешегә – 44 табиб һәм 85 урта медицина хезмәткәре туры килергә тиеш. Быел тугыз айда табиблар – 12 712, урта медицина персоналы – 9 206 кешегә арткан.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез