29 сентябрь 2026 Яңалыклар

Җырчы Алсу мөселманча киеме белән сокландырган

Җырчы Алсу кичә Россия мөселманнарының Дини җыенына 10 ел тулуга багышланган «Диннең көче – халыкларның бердәмлегендә» дигән тантаналы кичәдә чыгыш ясаган. Бу хакта артист социаль челтәрләрдә сөйләп үткән.

Чарада ул мөселманча ап-ак күлмәктән килгән. Бу исә җырчының иҗатына баш иючеләрне нык сокландырган. «Машаллах», «Ничек шулай тел-теш тидергесез дәрәҗәдә ыспай булырга мөмкин», – дип язган алар үзләренең комментарийларында.

Җырчы үзе татар тамырлары белән горурлануы турында билгеләп үткән. «Мин һәрвакыт үземнең тамырларым турында горурланып сөйлим һәм музыканың кешеләрне берләштерүенә ышанам», – дигән ул.

БЕЗНЕҢ МАКС КАНАЛЫНА ЯЗЫЛЫГЫЗ!