Башкортстанның Стәрлетамак нефть химиясе заводында бик җитди шартлау булган. Җир өстендәге газүткәргеч шартлап, янгын чыккан. Бу хакта “РИА Новости” хәбәр итә.
Гадәттән тыш хәлләр министрлыгыннан бирегә шундук 20 белгеч һәм 6 берәмлек техника җибәргән.
Зыян күрүчеләр турында әлегә бернинди дә мәгълүматлар юк. Хакимияттәгеләр һәм ашыгыч хезмәтләр шартлау булган урында эшләүләрен дәвам итә.
Исегезгә төшерәбез: Стәрлетамак нефть химиясе заводы төбәктә мөһим предприятие булып тора. Биредә каучук, авиация ягулыгы, катализаторлар кебек бик күп химия продукциясе җитештерелә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез