Бүген «Мунча ташы» сатирик театры автобусы Татарстандагы трассада әйләнгән. «Матбугат.ру» хәбәр иткәнчә, һәлакәттә зыян күрүчеләр юк.
Юл-транспорт һәлакәте видеога эләккән. Театр артистлары һәм администраторлары белән автобус Мамадыш районында М7 трассасында урнашкан мәчет янында туктаган, анда кайбер артистлар намаз укырга киткән. Озак булмаган тукталыштан соң автобус Кукмора ягына китә, анда концерт узарга тиеш була. Берникадәр вакыттан соң ул юл читенә тәгәри башлый, ә аннары юлдан да чыгып китә. Транспорт үзенең йөрешен электр тапшыру баганасына бәрелгәннән соң гына акрынайта. Зыян күрүчеләр пассажирлары арасында юк.
Һәлакәт сәбәпләрен ЮХИДИ ачыклаячак, урында тиешле тикшерү узган. Кукмарада концертны гамәлдән чыгарырга туры килде. Театр вәкилләре әйтүенчә, быел “Мунча ташы” коллективы үзенең 40 еллыгын билгеләп үтәчәк һәм дүрт дистә ел эчендә бу беренче авария булды.
