Үзизоляция вакытында күпләр, офисларыннан вакытлыча китеп, өйдән торып эшләүгә күчте. Әмма бу гадәттән тыш хәлләр килеп туган шартларда законсыз гына диярлек башкарылды.
Моңарчы мондый хәлнең булганы юк иде чөнки. Менә хәзер өйдән торып эшләүне закон нигезендә җайга салмакчылар. Дәүләт Думасы башлыгы Вячеслав Володин, Федерация Советы Рәисе Валентина Матвиенко, шулай ук бер төркем депутатлар һәм сенаторлар дистанцияле эшне җайга салу турында закон проектын булдырып, Дәүләт Думасына карауга керткәннәр. Документка аңлатмада әйтелгәнчә, Хезмәт кодексын үзгәртү халыкны эш белән тәэмин итү мәсьәләсендә җиңеллек, уңайлылыкка китерәчәк, шулай ук заманча технологияләрдән файдалану мөмкинлеге бирәчәк.
Үзебез хәл итәбез
Шулай итеп, Хезмәт кодексына моңарчы булмаган төшенчә – дистанцион эш (ягъни, безнеңчә, өйдән торып, гомумән, кайда интернет бар – шуннан торып эшләү) төшенчәсе кертелә. Моннан тыш вакытлыча дистанцияле эшләү һәм катнаш төрдә эшләү (өйдән торып эшләү һәм эш урынында эшләүнең бергә үрелеп баруын күздә тота) төшенчәләре барлыкка киләчәк.
Документта кәгазь документларныңмы, әллә инде электрон документларныңмы кулланылачагын эш бирүче белән хезмәткәрнең үзләре үк хәл итәчәге күздә тотыла.
Артыгын эшләмәячәкбез
Хезмәт кодексында хезмәткәрнең үз вазифаларын интернет булган теләсә кайсы урында башкарырга мөмкин икәнлеге күрсәтеләчәк. Моннан тыш авторлар “удаленка”дагы хезмәткәрнең тәүлек әйләнәсе элемтәдә булырга тиеш түгеллеген, фәкать аның билгеле бер вакытта гына хатларга, телефоннан шалтыратуларга җавап бирергә тиешлеген кертүне тәкъдим итә.
Федерация Советының Конституцион закон комитеты закон проекты концепциясен хуплаган. Аны инде Дәүләт Думасының агымдагы сессиясе ахырында ук кабул итәргә мөмкиннәр.
Фото: pixabay.com
Ханнанова ЭльмираЛяля Рамазановнанын тортлары хэм ижади унышлары ,кондитер осталыгы Ватаным Татарстан газетасына яналык булып бик лаек язарга!)Кондитер остасы Ләлә Фәйзуллина: «Беренче тортымны 8 яшьтә пешердем»
Загрузка ...
