1 кило бакча җиләгенә 1 кило әчерәк сортлы алма, 1,5-2 кило шикәр комы кирәк.
Җиләкләрне юып-чистартып, суын саркытабыз. Шикәр комы өстибез дә төнгә калдырабыз. Болгатып, газга куябыз һәм шикәр комы тулысынча эреп беткәч, сүрән генә утта 5 – 10 минут тотабыз.
Кайнатманы суытабыз. Соңыннан алманы кабыгыннан чистартып, шакмаклап турыйбыз да җиләк өстенә салып, әйбәтләп болгатабыз. Барысын бергә тагын 5 – 10 минут кайнатабыз.
Ике-өч тапкыр шулай кайнатып алсаң, желе кебек дерелдәп торган искиткеч матур һәм тәмле кайнатма килеп чыга.
Рецептлар аш-су блогеры Ассель Галиәскәрованың Инстаграмдагы битеннән алынды.
