Казанда ир-ат «10 нчы микрорайон» тукталышында егет һәм кызга аткан. Атыш кичә кич булган. Бу хакта социаль челтәрдә хәбәр иттеләр.
Россия Эчке эшләр министрлыгының Казан буенча идарәсе матбугат хезмәтендә мәгълүматны расладылар. 36 яшьлек ир-ат егеткә һәм кызга ата, беренчел мәгълүматлар буенча, травматик коралдан.
Шаһитлар хәбәрләренә караганда, алар арасындагы низаг кафеда булган, ә пар киткәч, ир-ат аларны тукталышта куып җиткән.
Зыян күрүчеләрне «ашыгыч ярдәм» табиблары алган, аларның никадәр җитди җәрәхәтләр алганы әлегә билгеле түгел.
Атучыларны Завойский кафесында полиция хезмәткәрләре тоткарлаган. Аның үзе белән корал табылмады.
