«Мәскәү сыйфаты 2020» бәйгесендә Яшел Үзән сөт эшкәртү комбинаты продукциясен «Кайнатылган сөт» категориясендә иң яхшысы дип таптылар. Бәйгедә бөтен Россиядән җитештерүчеләр продуктлары катнашты, дип хәбәр итә Татарстан Авыл хуҗалыгы һәм азык-төлек министрлыгының матбугат хезмәте.
«Үзебезнең предприятиенең җиңүе белән горурланабыз! Без җитештерелгән сөтнең һәр тамчысының сыйфаты һәм продуктның һәр граммы өчен җавап бирәбез, җитештерү процессының һәр этабын катгый күзәтеп торабыз һәм кулланучыларның безнең хезмәтебезне шулай бәяләүләренә шатбыз», — ди «ЗМК» АҖ генераль директорының сыйфат буенча урынбасары Роза Гарипова.
«Мәскәү сыйфаты 2020» конкурсында җиңүче булган сөтне комбинат сәламәт туклану линиясе буенча «ВкусВилл» азык-төлек кибетләре челтәре өчен махсус җитештерә
Быел «Мәскәү сыйфаты» конкурсы алтынчы тапкыр үткәрелде. Эксперт советы категорияләр һәм номинантлар исемлеген сайлый, аннары мәскәүлеләр, интернетта тавыш биреп, иң яхшыларын сайлыйлар, ә финалга чыккан продуктлар лабораториягә җибәрелә, анда аларның сыйфаты һәм реаль составның этикеткада күрсәтелгән мәгълүматка туры килүе билгеләнә.
Конкурсның эксперт советына Мәскәү шәһәре департаментлары, «Югары экспертлар мәктәбе (ВШЭ)» фәнни-тикшеренү учреждениесе, РАНХиГС, кулланучылар базарында катнашучылар берлеге, Мәскәү халыкара бизнес-ассоциациясе, Ваклап сату компанияләре ассоциациясе һәм башка оешмалар вәкилләре керде.
Күзәтчелек Советына Мәскәү шәһәр Думасы Рәисе Алексей Шапошников, «Вечерняя Москва» газетасының баш мөхәррире Александр Куприянов һәм Мәскәү Сәүдә-сәнәгать палатасы президенты Владимир Платонов керде.
