Бер исемдәге урамда урнашкан күрше өч йорт диварына урам исеме өч төрле язылган. Күрәсең, моны урнаштыручылар өчен урам исеменең дөрес язылышы түгел, ә ике телдә булуы гына мөһим булгандыр.
«Мондый хаталы элмә такталар, белдерүләр бер Түбән Камада гына түгел, республиканың саф татар районнары дип аталганнарында да җитәрлек. Аларның рәсемнәрен интернет челтәренә дә куялар, тик файдасы гына юк, — дип борчылып яза фотолар авторы.
