21 гыйнвардан Россия банкы мәктәпләр һәм көллиятләр укучылары, шулай ук балалар йортлары, интернат-мәктәпләрдә тәрбияләнүчеләр өчен “Финанс белеме буенча онлайн-дәресләр” проекты язгы сессиясен башлап җибәрә. Быел онлайн-дәрескә сыйныф укучылары белән бергә мәгариф оешмаларыннан гына түгел, бәлки мөстәкыйль генә өйдән дә кушылырга мөмкин.
Онлайн-дәрестә катнашучылар саклык акчасы, кредит, иминиятләштерү, бизнес өчен финанс мөмкинлекләре, салымнар, пенсия акчасы, шулай ук банк картасыннан файдалану кагыйдәләре, мошенниклар кармагына эләгүдән саклану ысуллары турында беләчәк. Яңа расписаниедә инвестиция белеме нигезләре турында дәресләр дә бар. Аларны биржа белгечләре уздырачак.
Барлыгы 19 тема буенча җиде модуль күздә тотылган. Һәр дәрес 45 минут дәвам итә. Графигы уңайлы булу дәресләрне мәктәп расписаниесенә, шулай ук өстәмә белем бирү программаларына кертү мөмкинлеге бирә.
Хәзер сайтка (адресы: http://dni-fg.ru.) кереп, онлайн-дәрес темасын сайлап алырга һәм проектта катнашуның барлык нечкәлекләрен тәфсилләп белергә мөмкин. Проектның язгы сессиясе 23 апрельгә кадәр дәвам итәчәк.
Исегезгә төшерәбез: узган елда финанс белеме буенча онлайн-дәресләрдә Татарстанның барлык мәктәпләре – 1,2 меңнән артыграк уку йорты катнашкан. Әлеге күрсәткеч ягыннан республика Россиянең барлык төбәкләре арасында алдынгылыкка чыккан. Безнең мәктәпләрдә онлайн-дәресләрне карау саны 222 меңнән артып киткән. Бигрәк тә Азнакай, Буа, Чүпрәле, Балык Бистәсе һәм Сарман зур активлык күрсәткән: әлеге районнар мәктәпләренең барысы да проект башлануга ук онлайн-дәресләргә кушылган.
Ханнанова ЭльмираЛяля Рамазановнанын тортлары хэм ижади унышлары ,кондитер осталыгы Ватаным Татарстан газетасына яналык булып бик лаек язарга!)Кондитер остасы Ләлә Фәйзуллина: «Беренче тортымны 8 яшьтә пешердем»
Загрузка ...
