Татарстанда җиңел машина берничә тапкыр әйләнгән

Татарстанда М7 трассасында җиңел автомобиль берничә тапкыр әйләнгән, йөртүчесе зыян күргән.

Авариянең шаһитлары «Татар-информ» агентлыгына хәбәр иткәнчә, юл һәлакәте кичә кичке алтынчылар киткәч республиканың Теләче районында булган. «Инфинити» шоферы тайгак юлда идарәсен югалткан һәм автомобиль, берничә тапкыр әйләнгәннән соң, юл читенә төшеп киткән.

«Машина йөртүче салоннан үзе чыкты. Ул шок хәлендә иде. Ашыгыч ярдәм табиблары һәм коткаручылар юл һәлакәте булган урынга бик тиз килеп җитте», — дип белдерде агентлыкка авариянең шаһитлары.