Киләсе атнада Татарстанда аязганда -36 градуска кадәр салкын булырга мөмкин. Гидрометеорология һәм әйләнә-тирә мохитне күзәтү үзәге берничә көнгә һава торышы фаразлары турында хәбәр итә.
«9 февральдә Татарстанда аязучан-болытлы һава торышы фаразлана. Төнлә һава температурасы -26…-31 градус, ә аязганда -36 градуска кадәр суытырга мөмкин. Көндез һава температурасы -22…-27 градус булуы көтелә», диелә синоптиклар хәбәрендә.
Иртәгә, 8 февральдә, Татарстанда аязучан-болытлы һава торышы булачак. Төнлә һава температурасы -24…-29 градус, ә көндез — -22…-27 градус көтелә. Төнлә бераз кар яварга һәм урыны белән буран булырга мөмкин. Көндез явым-төшем ихтималы аз. Җил көнбатыштан һәм төньяк-көнбатыштан уртача тизлектә исәчәк.
Иртәгә Казанда явым-төшем көтелми. Төнлә һава температурасы -24…-26 градус, ә аязганда -29 градуска кадәр төшәргә мөмкин. Көндез һава температурасы — -22…-24 градус.
10 февральдә болытлы һава торышы фаразлана. Төнлә урыны белән бераз кар яварга мөмкин. Иртән һәм көндез кар явуы һәм буран чыгуы ихтимал.
Төнлә һава температурасы -23…-28 градус, аязганда -33 градуска кадәр салкынайтырга мөмкин. Көндез һава температурасы -16…-21 градус булачак.
Метеорологлар юлларда бозлавык хасил булуы турында кисәтә.
