Киләсе атнада Татарстанда һава температурасының төшүе фаразлана. 20 июльдә республика территориясенә көнбатыштан һава агымы үтеп керә чөнки.
Айның икенче яртысында да көчле яңгырлар, җил-давыл очраклары еш булачак, дигән “Челнинские известия” хәбәрчесенә КФУ метеорология кафедрасы мөдире Юрий Переведенцев.
Белгеч әйтүенчә, Татарстанда һава температурасы, элеккечә үк, нормадан дүрт-биш градуска югарырак. Шулай да җәй башындагы “гадәттән тыш” күрсәткечләр күзәтелми инде. “Хәзер температура рекордлары юк инде. Төньяк, төньяк-көнбатыштан искән җилләр һава торышының уңайлы торуына ярдәм итә”, – дигән Переведенцев.
