Гаҗәп оятсыз вакыйга бер атна элек Саратовта булган. Кыз полиция хезмәткәре тарафыннан көчләү турында шикаять белән мөрәҗәгать иткән.
«КП-Саратов» билгеле булганча, бер ир-ат, хатынының дус кызы белән ачуланышканнан соң, полициядә эшләүче иптәшеннән хатынын үпкәләтүче белән «сөйләшергә» сораган. Һәм тегесе аны полиция бүлегенә чакырткан.
18 яшьлек Лилия Б. ны дежур частька чакыртканнар, тоткарланучылар кабинетына алып кергәннәр. Анда видеокамералар булмаган. 4нче бүлекнең дежур өлешеннән кыз йомшак тукымалар, гәүдә, аяк һәм куллар имгәнүләре белән чыккан. Ул полиция хезмәткәрен көчләүдә гаепләп, гариза язган. Бүлмәнең чүп-чарын тикшергәндә кулланылган презерватив тапканнар.
Хезмәткәр үзе барысын да кире кага. 33 яшьлек Сергей Ш. полициядә 2016 елдан бирле эшли икән.
Эчке эшләр министрлыгының Баш идарәсе матбугат хезмәтендә хәбәрчегә хәбәр итүләренчә, әлеге мәгълүмат һәм вакыйга тикшерелә.
