Башкортстан буенча Роспотребнадзор җитәкчесе Анна Казак хәбәр иткәнчә, республикада эпидситуация киеренке. Яңа коронавирус инфекциясе белән авыручылар саны арта. Шуңа бәйле рәвештә оператив чаралар кертелә.
— Без мәктәпләр буенча чаралар кулланабыз, чөнки балалар хәзер ешрак авырый, — дип хәбәр итте Анна Казаков. — 730 балалар оешмасында коронавирус белән авыру очраклары ачыкланды. Биштән артык очрак булган оешмаларда сыйныфлар карантинга озатыла. Бүген 279 мәктәптә карантин кертелгән,ә бу 768 сыйныф. Мәктәпләр, балалар бакчалары, һөнәри белем бирү учреждениеләрдә рейдлар үткәреләчәк. 67се тикшерелгән инде, — дип сөйләгән ул.
