«Ржавчина» фильмын төшергән вакытта Алек Болдуин очраклы рәвештә кешене үтергән.
Атыш нәтиҗәсендә Алек Болдуин катнашында «Ржавчина» (Rust) фильмын төшергәндә оператор Галина Хатчинс һәлак була һәм режиссер Джоэл Соус зыян күрә. Реквизит сыйфатында кулланылган һәм Болдуин аткан пистолет «холостой» патроннар белән корылган булырга тиеш иде. Ләкин пуля чын булып чыга. Режиссер һәм оператор критик халәттә шифаханәгә китерелгәннәр, икенчесе анда алынган җәрәхәтләрдән үлгән.
Актерга карата гаепләүләр әлегә юк.
Соңрак тикшерү барышында Санта-Фе округы шерифы офисы вәкиле Хуан Риос Алек Болдуин атуын раслады. Актерга карата гаепләүләр әлегә күрсәтелмәгән. Болдуин үзе һәм башка актерлар инцидент нәтиҗәсендә зыян күрмәгән. Төшерү вакытлыча туктатылган.
