КФУ ректоры вазыйфаларын вакытлыча башкаручы итеп Дмитрий Таюрский билгеләнгән. Бу турыда «Татар-Информ» хәбәр итә.
Тиешле карарны Россиянең мәгариф һәм фән министры Валерий Фальков кабул иткән.
Дмитрий Таюрский — КФУның фәнни эшчәнлек буенча проректоры. Ул шулай ук физика-математика фәннәре докторы, профессор, гомуми физика кафедрасы мөдире.
Исегезгә төшерәбез, Казан федераль университетының гыйльми советы, вуз ректоры Илшат Гафуровның кулга алынуы сәбәпле, Россия Премьер-министры Михаил Мишустинга, фән һәм мәгариф министры Валерий Фальков, Татарстан Президенты Рөстәм Миңнехановка мөрәҗәгать юллаган иде.
