28 февральдән 6 мартка кадәр Казанда 434 бала туган.
28 февральдән 6 мартка кадәр Казанда бер атна эчендә 434 бала туган. Аларның 197се — кыз һәм 237се — малай. Иң кечкенә баланың авырлыгы — 750 грамм. Иң зур сабый 4640 грамм авырлыкта, дип хәбәр итә Казанның ЗАГС идарәсе.
Әти-әниләр Ясминә, Анна, Әмир, Марк кебек популяр исемнәрдән тыш, балаларына сирәк очрый торган Илина, Сальма, Энвер, Камаль кебек исемнәр дә кушканнар.
Соңгы атнада Казанда барлыгы 201 пар өйләнешкән.
