«ВКонтакте» социаль челтәре Россиядә көнлек аудитория буенча яңа рекорд куйды. Шушы көннәрдә әлеге социаль челтәрне кулланучылар 4 миллионга арткан. Хәзер көн саен челтәргә 50 миллионнан артык кеше керә, дип хәбәр итә «ВКонтакте» матбугат хезмәте .
Социаль челтәрдә дусларга өстәлүчеләр саны 250 процентка ишәйгән! Кулланучылар дусларга өстәүне дистәләгән миллион тапкыр ешрак эшли башлаган.
Соңгы айда видео карау саны — 15,5 процентка, тәүлегенә лентаны карау саны — 25 процентка,
пост астында калдыра торган комментарийлар саны 24 процентка арткан.
Февраль һәм март айларында «ВКонтакте» мәкалә авторларының активлыгы һәм публикацияләр саны буенча социаль медиалар арасында беренче урынны яулаган.
