Кәгазь җитмәү һәм бәяләр күтәрелү аны җитештерү, шулай ук ихтыяҗ һәм аның күләме чагышмау аркасында килеп чыккан. Бу хакта InfoLine мәгълүмат агентлыгы генераль директоры Иван Федяков сөйләде.
Аның сүзләренә караганда, Ленинград өлкәсенең бер компаниясе кәгазь җитештерүне туктаткан. Завод Көнбатыш илләре керткән санкцияләр аркасында чит ил химик реактивларын куллана алмады. Шул сәбәпле SvetoCopy маркалы кәгазь чыгарылмаган.
Эксперт ассызыклаганча, 2-3 атна дәвамында склад запаслары сатылып беткән. Хәзер шундый ук сыйфатлы кәгазь җитештерүне җайга салырга тырышалар. Әгәр эксперимент уңышлы булса, бәяләр элеккегечә калачак.
