Россиядә шикәргә бәяләр икенче атна рәттән төшә. Бу хакта РИА Новости хәбәр итә.
Росстат материалларыннан күренгәнчә, 16 апрельдән 22 апрель аралыгында Россиядә шикәр бәясе уртача 1,07 процентка төшкәнн. Узган атнада, 9 нчы апрельдән 15 нче апрельгә кадәр, шулай ук шикәр бәясе 0,34 процентка түбәнрәк булган. Әмма ел башыннан шикәр бәясе 51,35 процентка арткан.
Росстат мәгълүматлары буенча, шулай ук йомыркага, тавык итенә бәяләр төшә, ә карабодай, дөге, тары ярмасына бәяләр арта.
