– Бакча җиләкләрен былтыр көздән утыртып калдырган идем. Үсентеләр, яфраклары кызарып, хәлсезләнеп утыра. Нәрсә сибеп карарга икән?
Наҗия Сәетгәрәева. Зәй районы
Бакчачы-блогер Эльмира Исхакова җавабы:
– Азот җитмәгәнлектән бу. Түбәндәге рецепт белән ясалган катнашма кулланып карагыз әле. Иң элек, туфрагы дымлы булсын өчен, гади су сибәсе. Аннан соң 10 литр суга 2–5 грамм бор кислотасы, 1 аш кашыгы йод, 2 грамм марганцовка һәм 2 аш кашыгы нашатырь спирты салып, катнашма ясыйсы. Һәр төпкә, яфракларына да тидереп, 1 литр чамасы катнашма сибәсе. Бу максатта 10 процентлы нашатырь спиртыннан (10 литр суга 40 мл), водород перекисе (1 литр суга 2 аш кашыгы), нитроаммофоска (10 литр суга 1 аш кашыгы), мочевинадан (10 литр суга 1 шырпы кабы) да файдаланырга мөмкин
