Кырымда кабартылган матраста ачык диңгездә йөзеп киткән балаларны өченче тәүлек эзлиләр. Бу хакта РИА “Новости” хәбәр итә.
Билгеле булганча, әлеге фаҗига 12 июньдә килеп чыккан. 4 яшьлек малай белән 5 яшьлек кыз кабартылган матраста йөзгән була. Җил исә аларны ачык диңгезгә алып кереп китә. Балалар үлеме буенча җинаять эше кузгатыла.
– Кырым коткаручылары әле дә булса балаларны эзли. Әлеге вакытта 5 кв метр акватория һәм 6 км ярбуе линиясе тикшерелде, – дип хәбәр итә Кырымның Гадәттән тыш хәлләр министрлыгы.
Балаларны эзләүдә 32 кеше һәм 8 техника катнаша.
Телеграмда безнең каналга кушылыгыз: https://t.me/vatantat