Татарстанның Әтнә районы, Күшәр авылында сыерны урлап, суеп итен алып киткәннәр, дип хәбәр итә «Әтнә таңы» газетасы сайты. Бу беренче очрак кына түгел икән.
«Күшәр авылында төнгегә дип бәйләп калдырган сыерны урлап, полосага алып китеп суйганнар. Шунда ук эшкәрткәннәр. Итен алып киткәннәр, ә эчәкләре калган. Әлеге эш буенча тикшерү бара», — дип хәбәр итте эчке эшләр бүлегенең өлкән тикшерүче Айсылу Нигъмәтҗанова, дип яза алар. Шулай ук районда яшәүчеләрне кисәтеп, йорт хайваннарын төнгелеккә бәйләп калдырмаска кушалар.
