– Мин банкта эшлим. Күптән түгел намазга бастым. Миңа хәзер эш урынымны алмаштырырга кирәк булачакмы?
Динар Вәлиев. Казан
«Иман» сәхифәсендә укучыларыбыздан килгән сорауларга «Әл-Мәрҗани» мәчете имамы Ансар хәзрәт Мифтяхов җавап бирә.
– Әйе, алыштырырга туры киләчәк. Сез хәләл банкка эшкә керә аласыз. Казанда «Амаль» дигән шундый хәләл банк бар. Белемегез, мөмкинлегегез булса, үзегезне башка өлкәләрдә дә сынап карый аласыз. Әмма процентка акча бирә торган банкларда эшләү шәригать кануннары буенча яшәүче мөселман кешесе өчен тыелган, гөнаһ гамәл санала.
