Бүген һәм алдагы тәүлекләрдә Татарстанда эссе һәм коры һава торышы саклана. Казанда төнлә һава 16-18 градуска кадәр җылыначак, ә бүген көндез +30дан +32 градуска кадәр җитәчәк. Төньяк-көнчыгыштан талгын җил исә, явым-төшем көтелми.
Тулаем Татарстан буенча бүген төнлә һава температурасы 13-18 градус тәшкил итәчәк, ә көндез – 28-33 градус эссе булачак, явым-төшемнәр көтелми, дип хәбәр итә Татарстан Гидрометеорология һәм әйләнә-тирә мохитне күзәтү идарәсе.
Коры һава торышы һәм һава температурасы югары булу сәбәпле, республикада урманнарның югары янгын куркынычы саклана (4 класс), шуңа халыкка сак булырга киңәш ителә.
