2019 елда сигез хезмәттәшен атып үтергән Рамил Шәмсетдинов ЧВК «Вагнер» га алуларын сораган, әмма әлегә аны алмаганнар.
«База» мәгълүматы буенча, Шәмсетдинов үзе теләп махсус операция зонасына барырга язылган.
Ул исемлеккә эләккән. Әмма вагнерчылар тоткыннарны икенче тапкыр алырга килгәч, Рамилны алмаска булганнар. “База” чыганаклары сүзләренчә, алар кешеләр болай да күп, ул әлегә кирәк түгел, дигәннәр. Шул ук вакытта СВОда катнашырга ризалык биргән башка тоткыннар алып киткәннәр.
