Су кадере тагын да артачак! Татарстанда 1968 елдан бирле 3133 сулык юкка чыккан. Югалуларының сәбәбе дип аларны күмеп төзелеш эшләре башкаруны атыйлар. Бу хакта Татарстанның Экология һәм табигать ресурслары министрлыгының еллык киңәйтелгән утырышында сөйләделәр. Тармак министры Александр Шадриков сүзләренә караганда, борчылырлык урын бар.
Быел республикадагы эчәргә яраклы сулыкларга ревизия сау дәвам итәчәк. Экологларга 14 районда 1629 су скважинасын тикшергән инде. Шуларның 1181енең лицензиясе юк икән. Министр әлеге юнәлештә тәртип салырга кирәклеген әйтә. Проблемалы районнар арасында Әгерҗе дә бар. Анда су скважиналары рәсмиләштермәгән, кадастр исәбенә куелмаган. Скважиналар 1970-1980 елларда төзелгән, аларның техник документлары да юк икән. Апас һәм Кайбыч районнарында исә, ревизия үткәрелгәннән соң эчәргә яраклы суларның булуы ачыкланган һәм алар өчен корылмалар әзерләнгән.
