Россия Президенты Владимир Путин Хөкүмәткә яшь гаиләләр һәм белгечләр өчен өстәмә ипотека программалары булдырырга кушты.
«Яшьләр, шул исәптән яшь белгечләр, яшь гаиләләр өчен өстәмә ташламалы ипотека программаларын гамәлгә ашыру буенча тәкъдимнәр әзерләргә», — диелгән Кремль порталында.
Йөкләмәнең үтәлеше өчен Россия Премьер-министры Михаил Мишустин җаваплы һәм ул 1 июльгә кадәр башкарылырга тиеш.
Путин яшь гаиләләрне торак белән тәэмин итүгә кагылышлы программаларны камилләштерү бурычын да куйды.
