Россия фәне көне
Бу дата 1724 елның 8 февралендә Петр I боерыгы буенча Россиядә Фәннәр Академиясе барлыкка килү белән бәйле.
1999 елда Россия Федерациясе Президенты Указы белән 8 февральдә Россия Фәннәр академиясенең мәгариф көне Россия фәне көне итеп билгеләнә.
Россиядә хәрби топограф көне
Бу һөнәри бәйрәм Россия оборона министры боерыгы белән 2003 елда билгеләнә. 1812 елның бу көнендә император Александр I указы белән хәрби топографик эшенең нигезләмәсе раслана. Хәзерге вакытта бу ведомство Россия Кораллы көчләр Генераль штабының Хәрби-топографик идарәсе дип атала.
80 ел элек (1943) Бөек Ватан сугышы барышында совет гаскәрләре Курск шәһәрен азат итә
Шәһәр 1941 елның ноябрендә немец-фашист гаскәрләре тарафыннан оккупацияләнә.
1943 елның сигезенче февралендә, генерал Иван Черняховский командалыгында Воронеж фронтының ике удар төркеме немец ныгытмаларын штурмлый башлый. Кичкә таба шәһәр фашистлардан азат ителә.
95 ел элек (1928) сугышта агулы газларны һәм бактериологик чараларны куллануны тыю турындагы беркетмә үз көченә керә (Женева беркетмәсе)
Документ Женевада 1925 елның 17 июнендә имзалана. Беркетмәгә үз имзаларын 36 дәүләт вәкиле куя. Ул 1928 елның 8 февралендә үз көченә керә.
Женева беркетмәсе – химик, биологик һәм токсик коралны куллануны тыя торган төп халыкара документ. Хәзерге вакытта беркетмәдә 140 илнең имзасы бар.
186 ел элек (1873) шагыйрь Александр Пушкин һәм Дантес арасында дуэль уза
Алар Санкт-Петербург читендә Кара елга буенда очраша. Бөек рус шагыйре яралана. Ике көннән соң (10 февральдә) перитониттан үлә.
Гүзәл Әхмәтҗанова әзерләде
