Бүген Татарстан Республикасы Рәисе Рөстәм Миңнеханов Менделеевск муниципаль районына эш сәфәре кылды.
Исегезгә төшерәбез, иртән ул Зәй муниципаль районында булды, анда капиталь ремонттан соң гимназияне карады, шулай ук тагын берничә объектта булды.
Менделеевск районына килү белән Рөстәм Миңнеханов район башлыгы Радмир Беляев, «Аммоний» АҖ генераль директоры Дмитрий Макаров белән бергә «Аммоний» АҖдә булды.
Ул «Аммоний» АҖнең төп финанс-икътисадый күрсәткечләре, яңа проектларны тәкъдир итү белән танышты. Бу шул исәптән дизель двигательләре өчен газ чыгару өчен реагент җитештерү буенча яңа цех та иде. Җитештерүне 2023 елның октябрендә башларга планлаштырылган (куәте елына — 32 мең тонна).
Шулай ук Рөстәм Миңнехановка сыек углекислота җитештерү мәйданчыгын күрсәттеләр.
Монда ук Татарстан Рәисе хезмәт коллективы вәкилләре белән аралашты. Аерым алганда, яшь хезмәткәрләргә торак бирү турында сөйләделәр. Шулай ук «Геройлар ярышы» спорт уеннары турында да сөйләделәр. Быел алар Менделеевскта инде икенче тапкыр узачак. Менделеевскт- Россиянең «Геройлар ярышы»н кабул итүче бердәнбер кечкенә шәһәре. «Аммоний» АҖ — ярышларның партнеры һәм спонсоры.
«Аммоний» АҖ җитәкчелеге вәкилләре хәбәр иткәнчә, 2023 елның беренче яртыеллыгы йомгаклары буенча предприятиедә 1390 кеше эшли, уртача хезмәт хакы – якынча 103 мең сум.предприятиедә хезмәт шартларын яхшырту буенча даими эш бара — 2023 елның беренче яртыеллыгында завод 156 млн сум җибәргән, хезмәткәрләргә социаль түләүләр билгеләнә.
