Бөтендөнья күз күрү көне
Күз күрү көне (World Sight Day) бөтен дөньяда билгеләп үтелә. Ул Бөтендөнья сәламәтлек оешмасы тәкъдиме белән һәр елны октябрьнең икенче пәнҗешәмбесендә уза.
Бөтендөнья сәламәтлек саклау оешмасы мәгълүматлары буенча, бөтен дөнья буенча 2 миллиардтан артык кешенең теге яки бу күрү сәләте бозылган яки сукырайган.
Бөтендөнья артритка каршы көрәш көне
12 октябрьдә күп кенә илләрдә Бөтендөнья артритка каршы көрәш көне (World Arthritis Day) билгеләп үтелә. Ул Бөтендөнья сәламәтлек саклау оешмасы инициативасы белән 1996 елдан бирле, ә Россиядә 2006 елдан бирле үткәрелә.
Россиядә кадрлар хезмәткәре көне
Ел саен 12 октябрьдә Россиядә кадрлар хезмәткәре көне билгеләп үтелә Бу Россия предприятиеләрендә һәм оешмаларында кадрлар бүлекләре хезмәткәрләренең рәсми булмаган һөнәри бәйрәме.
Бу көнне 1918 елда Юстиция Халык комиссариаты карары белән «Совет эшче-крестьян милициясен оештыру турындагы инструкция» кабул ителә һәм эчке эшләр органнарының беренче кадрлар аппаратлары төзелә.
Россиядә кадрлар көне рәсми рәвештә расланмаганлыктан, 12 октябрьдән тыш, төрле шәһәрләрдә популяр булган берничә башка дата да бар. Мәсәлән, кайбер чыганакларда кадрлар көнен 24 майда билгеләп үтәргә тәкъдим ителә.
Алты миллиардынчы кеше туа
1999 елның 12 октябрендә Сараевода Аднан Невич туа, аны БМО планетабызның алты миллиардынчы кешесе итеп сайлый. БМО вәкилләре Босния һәм Герцеговина башкаласын алты миллиардынчы кешенең туган урыны дип санау карары БМО Генераль секретаре Кофи Аннан килгәнгә генә кабул ителгән дип таныды. Оешма белгечләре шулай ук планетада яшәүче алты миллиардынчы кешенең кайда туганын төгәл билгеләү мөмкин түгеллеген әйтә, чөнки дөньяда һәр секунд саен биш бала туа. Шул ук вакытта 6 миллиард саны да якынча билгеләнә ала, чөнки туу һәм үлем нисбәте дөньяда минут саен үзгәрә. Җир шарында 5 миллиардынчы кеше 1987 елда теркәлгән.
Гүзәл Әхмәтҗанова әзерләде
