Кичә Татарстанда, Югары Ослан районының Коргуза авыл җирлеге урманнарында, фаразланганча, Владимир Мироновның үле гәүдәсен тапканнар, дип хәбәр итте «ТАТМЕДИА» корреспонденты Равил Мөкмәнов. Мәет инде күптән яткан булган. Аңардан бары тик сөякләр генә калган.
Ул урманда дәрвиш буларак 20 елдан артык яшәгән.
Владимирның югалуы турында аның сеңелесе Ольга хәбәр иткән иде. Ул Равил Мөкмәновка шалтыраткан һәм Владимир өч ай элемтәгә чыкмавын хәбәр иткән.
