Татарстан Дәүләт Советының 52нче утырышы Парламент җитәкчесе Фәрит Мөхәммәтшин катнашыннан башка уза. Аны Татарстан Дәүләт Советы Рәисе урынбасары Юрий Камалтынов үткәрә. Бу турыда «Татар-информ» хәбәрчесе Надежда Гордеева хәбәр итте.
«Утырышны үткәрү миңа йөкләнде, чөнки Фәрит Хәйруллович больничныйда», — дип аңлатты Камалтынов сессия башланыр алдыннан Фәрит Мөхәммәтшин булмавын.
Башта көн тәртибенә 20 мәсьәлә куелды, әмма депутатлар өстәмәләрне дә кертүне сорады. Нәтиҗәдә парламентарийлар 26 мәсьәләне караячак.
Утырышта Татарстан Республикасы Рәисе Рөстәм Миңнеханов катнаша.
