Россия венчур форумында (РВФ) инвестицион проектларны тормышка ашырырга мөмкинлекләр бирелә. Татарстанның фәннәр академиясе президенты Рифкать Миңнеханов журналистларга шул хакта әйтте.
— Форумны уздыруның иң беренче максаты – эшмәкәрләрне бергә җыю, аларга ярдәм итәргә, икътисад өлкәсендәге көн кадагында торган сорауларга җавап табарга. Бу эштә эшмәкәрләрсез булмый. Форумда мөмкинлекләр дә җитәрлек, проектларны тормышка ашыру өчен акчасы да бар, – диде ул.
Рифкать Миңнеханов сүзләренчә, венчур өлкәсендә эшкуарларсыз булмый. Шуңа күрә дә Россия венчур форумында да төп тема итеп технологик эшмәкәрлек мәсьәләсе алынган.
– Технологик эшмәкәрлек – икътисад үсешен тизләтүче бер сәбәп ул. Технологик эшмәкәрлек үссен өчен исә венчур базары кирәк. Алар үзара бәйләнештә, – диде Рифкать Миңнеханов.
Билгеле булганча, Казанда Россия венчур форумы (РВФ) узачак. Ул 25-26 апрель көннәренә тәгаенләнгән. Чара «Казан Экспо» күргәзмәләр үзәгендә оештырылачак. Искәртеп үтик: әлеге форум Татарстан башкаласында 2005 елдан бирле оештырыла. Шушы вакыт аралыгында форумның эшлекле программасы һәм күргәзмәсендә 2400 артык компания, 700ләп стартап катнашкан.
