18 июнь 2026 Яңалыклар

1 июльдән гаилә ипотекасы кагыйдәләре үзгәртелә

Россиядә 1 июльдән гаилә ипотекасы кагыйдәләре үзгәрә. Алар бала табуга этәргеч бирү максатына туры китереп алышыначак. Бу хакта «ТАСС» төзелеш һәм торак-коммуналь хуҗалык министры урынбасары Никита Стасишин сүзләренә таянып яза.

Министрлык вәкиле билгеләп үткәнчә, соңгы айда ил Хөкүмәтенең финанс блогы белән фикер алышулар булган. «Ипотека бирү күзлегеннән караганда, дөрес уртак фикергә килдек, дип уйлыйм. Банклар моңа әзерләнә инде», – дигән ул.

Шул ук вакытта министр урынбасары гаилә ипотекасы кагыйдәләренең тәгаен ничек үзгәртеләчәген аңлатмаган.

Исегезгә төшерәбез: быел февраль аеннан гаиләдә берьюлы ике кешегә – иргә дә, хатынга да ипотека рәсмиләштерү мөмкинлеге бетерелде. Моңа кадәр бу рөхсәт ителә иде.

Март аенда Премьер-министр Михаил Мишустин Финанс, Төзелеш һәм торак-коммуналь хуҗалык министрлыкларына 1 июльгә кадәр гаилә ипотекасы ставкасын бала санына карап билгеләү мәсьәләсен хәл итәргә кушты.

Белгечләр фикеренчә, күпбалалы гаиләләргә ипотека ставкасы 6 проценттан кимрәк булырга мөмкин.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга