“ТатарКино” Әмирхан Еники әсәрләре буенча төшерелгән “823 километр” фильмын Мәскәү тамашачысына тәкъдим иткән. Шунысы кызык: фильмның презентациясенә барлыгы 823 тамашачы теркәлгән.
Бу хакта “ТатарКино” оешмасының матбугат хезмәте хәбәр итә.
– Бүген чын мәгънәсендә саннар тылсымының шаһитләре булдык. Мин мондый язмыш билгеләренә ышанам. Бу кинокартина тарихи Ватаннары дип Татарстанны санаучыларның күңеленә хуш килер дип өметләнәм, – дигән презентациядә фильмның продюсеры Миләүшә Айтуганова.
“823 километр” нәфис фильмының сценарий авторы – Валерия Байкиева. Режиссерлар – Ирек Хафизов, Әмир Галиәскаров. Әлеге кинокартина мәшһүр классигыбыз Әмирхан Еникиның өч әсәрен – «Матурлык», «Кем җырлады?» һәм «Бер генә сәгатькә» новеллаларын берләштерә. Рольләрне Илдар Хәйруллин, Алсу Гайнуллина, Илдус Әхмәтҗанов, Әлфия Хәсәнова, Гөлчәчәк Хафизова, Резеда Сәлахова һәм башкалар башкара.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез