Россия Тикшерү комитеты рәисе Александр Бастрыкин Казанда балигъ булмаган балага карата хокукка каршы гамәлләр турындагы җинаять эше буенча доклад таләп иткән. Бу хакта органның матбугат хезмәте хәбәр итә.
СК мәгълүмат үзәгенең телеграм-каналы шәрехләрендә Казанда яшәүче хатын-кыз мөрәҗәгать иткән. Ул хәбәр иткәнчә, 1 гыйнварга каршы төндә яшь кешеләр физик җәзалау куркынычы астында аның 16 яшьлек улын урамга чыгарга мәҗбүр иткәннәр, шуннан соң аны трос белән автомобильгә бәйләп, җирдән сөйрәргә ниятләгәннәр. Моңа элек булган низаг сәбәп булган.
Үз-үзен яклау максатларында яшүсмер һөҗүм итүчеләрнең күзләренә баллоннан сиптерә, шуның өчен аны бик каты кыйныйлар. Зыян күрүчегә медицина ярдәме кирәк булган. Эчке эшләр органнары тарафыннан фигурантларга карата чаралар күрелмәгән. Полиция хезмәткәрләре мөрәҗәгать итүчегә хәбәр иткәнчә, үз-үзен яклау чараларын кулланган өчен аның улы административ җаваплылыкка тартылачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез