27 августтан 30 августка кадәр Казанда глобаль яшьләр саммиты узачак, анда ИХО (Ислам хезмәттәшлеген оештыру) илләренең яшьләр эшләре һәм спорт министрлары, гадәттән тыш һәм тулы вәкаләтле илчеләре, генераль консуллары, яшьләр оешмалары лидерлары, яшьләр сәясәте белән шөгыльләнүче халыкара оешмалар вәкилләре, фикер лидерлары, яшь эшмәкәрләр һәм фәнни берләшмәләр вәкилләре җыелачак. Бу вакыйга бөтен дөньяда яшьләр сәясәтенең зур үсешенә китерәчәк, дип саный ICYF вице-президенты, Ливан Республикасы яшьләр һәм спорт министрының өлкән киңәшчесе Мөхәммәд Хаҗидә.
"Мин Казан глобаль яшьләр саммиты дөнья яшьләре өчен һәм яшьләр сәясәтен үстерү өчен зур этәргеч булыр дип көтәм. Инновацион идеяләр көтәм. Ышанам ки, белдерелгән актуаль темалар һәм чакырылган халыкара яшьләр лидерлары исемлеге ярдәмендә Саммит дөньякүләм игътибар үзәгенә әвереләчәк ", - дип билгеләде ул.
Казан глобаль яшьләр саммиты төп биш темага багышланган: яшьләр миграциясе, эшмәкәрлек, яшьләрнең иминлеге һәм менталь сәламәтлеге, яшь кешеләрнең цифрлы трендлары һәм социаль лифтлар һәм мөмкинлекләр тигезлеге.
Саммит нәтиҗәләре буенча резолюция кабул итәчәкләр, анда актуаль мәсьәләләр һәм аларны хәл итү алымнары чагылыш табачак.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез