Абаканда ир-ат балалар бакчасы территориясеннән ике яшьлек малайны урлаган. Бәхеткә, баланы тиз тапканнар, аның белән барысы да тәртиптә, дип хәбәр итә РИА "Новости".
Полиция хезмәткәрләре малайның кайда булуын аның югалуы турында хәбәр алганнан соң бер сәгать узгач ачыклаган. Ул шикләнелүче фатирында булган.
Башлангыч мәгълүматлар буенча, ир-ат балалар бакчасы территориясенә кергән, каравылчыга үз баласын алырга килгәнлеген әйткән. Бу вакытта балалар урамда йөргән. Ике яшьлек малай ят кеше янына йөгереп килгән һәм ир-ат, аны кулына алып, балалар бакчасыннан чыгып киткән. Тәрбияче бала әтисе белән киткән дип уйлаган. Бераздан ул, үзенең ялгышын аңлап, малайның әнисенә шалтыраткан.
Баланың әнисе улының хокук саклау органнарына югалуы турында хәбәр иткәч, аны эзләү буенча операция үткәрелгән.
Шикләнелүче, 39 яшьлек наркотикларга бәйле ир-ат бала белән таныш булмаган. Аңа "Балигъ булмаганны урлау" маддәсе буенча җинаять эше кузгатылган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез